Variedades e Terruño
- Albariño (100%) sobre patrón 196-17C.
- Viñedos propios en Fincas de Goián (20 ha).
- Cepas Vellas de mais de 25 anos, cultivadas en parra a 3x4 m2.
- Terreos graníticos pouco profundos e de baixa fertilidade.
Vendima e Elaboración
- Vendima escalonada e manual en caixas de plástico de 18 Kg. Control de rendementos (máx. 5000 kg/ha) para buscar a concentración da uva. Uva totalmente despalillada con maceración prefermentativa en frío en prensa.
- Control de temperatura (16ºC) en fermentación alcohólica con crianza sobre lías en depósito inoxidable durante 4 meses. Crianza en botella de 1 mes antes de saír ó mercado.
Cata
- Cor amarelo palla con escintileos verdosos, limpo e brillante, con finas burbullas de carbónico integradas dando frescor.
- No nariz amósase franco e intenso. Atractiva expresión frutal que vai dende a froita con óso (níspero e ameixa claudia), ós cítricos (pomelo) e a froita tropical (piña) sobre certo fondo herbáceo. Aroma complexo froito da madurez da uva e da súa elaboración pausada sobre lías finas durante 4 meses.
- Na boca amósase potente, saboroso, con notable acidez, fresco e vivo. Destaca certa untuosidade e moi bo percorrido en boca con sensacións moi frutais: cítricos, melocotón, ameixa branca sobre fondo de retama. Elegante final amargoso, certa profundidade e persistencia.
- Servir a temperatura de 7-9ºC.